Bæj­ar­stjórn fer með stjórn bæj­ar­ins sam­kvæmt ákvæð­um sveit­ar­stjórn­ar­laga.

Í bæj­ar­stjórn Mos­fells­bæj­ar sitja bæj­ar­full­trú­ar sem sækja um­boð sitt til kjós­enda á fjög­urra ára fresti. Með meiri­hluta í bæj­ar­stjórn Mos­fells­bæj­ar kjör­tíma­bil­ið 2022-2026 fara full­trú­ar Framsóknarflokks (B), Samfylkingar (S) og Viðreisnar (C).

Bæjarstjórn skipa þau:

Hrafnhildur Gísladóttir (B) tók sæti í bæjarstjórn á tímabilinu 15. október til 31. janúar á meðan Aldís Stefánsdóttir var í leyfi. 

Bæjarráð fer með framkvæmdastjórn sveitarfélagsins í umboði bæjarstjórnar. 
Halla Karen Kristjánsdóttir er formaður bæjarráðs.


Bæj­ar­stjóri Mos­fells­bæj­ar var Regína Ás­valds­dótt­ir

Regína Ásvaldsdóttir bæjarstjóri

Ársskýrsla Mosfellsbæjar fyrir árið 2025 er lögð fram samhliða síðari umræðu um ársreikning Mosfellsbæjar.
Við höfum lagt mikla áherslu á að upplýsingar séu aðgengilegar fyrir kjörna fulltrúa og bæjarbúa og vel settar fram þannig að það sé auðvelt að glöggva sig á helstu lykiltölum.

Rekstrarniðurstaða A og B hluta Mosfellsbæjar er jákvæð um 514 milljónir. „Þessi niðurstaða endurspeglar traustan og ábyrgan rekstur, þrátt fyrir verðbólgu og hátt vaxtastig. Við höfum náð þessum árangri á sama tíma og við höfum ráðist í umfangsmiklar framkvæmdir og farið í metnaðarfull umbótaverkefni eins og Börnin okkar.“

Árið 2025 var afar viðburðaríkt í Mosfellsbæ og einkenndist af mikilli grósku í menningar-, íþrótta- og félagslífi. Samstarf Mosfellsbæjar við íþrótta- og tómstundafélög var eflt með formlegum samningum og stofnun samráðsvettvangs, þar sem lögð var áhersla á aukið aðgengi fyrir öll börn, þ.m.t. þau með sérþarfir. Ný íþróttastarfsemi bættist við, svo sem rafíþróttir, skák, borðtennis og parkour, auk þess sem þátttaka í fjölbreyttu starfi hélt áfram að aukast.

Miðlæg stjórnsýsla nær til fjármála- og áhættustýringar, mannauðs- og starfsumhverfis, umbóta og þróunar, auk skrifstofu bæjarlögmanns.

Lögð er áhersla á að tryggja ör­yggi, vellíð­an og vöxt allra í skóla- og frí­stund­astarfi. Hér eru fimm grunnskólar, átta leikskólar, þar af tveir samreknir leik- og grunnskólar, fimm frístundir í skólum, Félagsmiðstöðin Bólið, listaskóli, vinnuskóli, stoðþjónusta í skólum auk skóla- og ráðgjafaþjónustu.

Veitt er þjónusta fyrir fatlað fólk, eldra fólk, flóttafólk, ásamt félagslegu húsnæði, barnavernd auk fjölbreyttrar félagsþjónustu.

Mikil gróska er í menningu og íþróttum þar sem áhersla er á þátttöku í náttúrulegu og virku samfélagi. Í boði eru sundlaugar, íþróttamannvirki, félagsheimilið Hlégarður, bókasafn, listasalur auk tækifæra til útivistar í náttúrunni.

Fjölbreytt þjónusta sem tryggir innviði bæjarins og stuðlar að náttúrulegu umhverfi. Umsjón er með skipulags- og byggingarmálum, rusl- og sorphirðu, garðyrkju, götulýsingum, snjóhreinsun, umhirðu gatna og göngustíga auk reksturs Eignasjóðs og MosVeitna.

Á árinu var unnið að fjölbreyttum verkefnum sem miðuðu að uppbyggingu, viðhaldi og endurnýjun mannvirkja og innviða í Mosfellsbæ. Áhersla var lögð á að bæta aðgengi, öryggi og þjónustu við íbúa, samhliða eflingu umhverfismála og sjálfbærra lausna.

Framkvæmdir náðu til skóla, leikskóla, íþróttamannvirkja, leik- og útivistarsvæða, sem og samgöngu- og veitukerfa og endurspegla áframhaldandi uppbyggingu og bætt lífsgæði í Mosó.

Í þessari samantekt má sjá ítarlega sundurliðun á helstu framkvæmdum ársins 2025.