Helgafellsskóli verður Réttindaskóli UNICEF

Í dag var undirritaður samningur milli Mosfellsbæjar og Unicef um Réttindaskóla sem er ein af aðgerðum í aðgerðaráætlun um Barnvænt sveitarfélag. Réttindaskóli- og frístund Unicef er hugmyndafræði og hagnýtt verkfæri til þess að leggja barnasáttmálann til grundvallar í öllu starfi, skipulagningu, stefnumótun og starfsháttum. Helgafellsskóli ríður á vaðið í Mosfellsbæ og er jafnframt fyrsti samþætti leik- og grunnskólinn á landinu sem tekur þátt í verkefninu.