Matsferill fyrir alla árganga í Mosfellsbæ

Frá og með þessu skólaári munu grunnskólar í Mosfellsbæ innleiða matstæki Matsferils fyrir alla árganga en hann tekur til 4. – 10. bekkjar. Matsferillinn samanstendur af nýjum stöðu- og framvinduprófum en Mosfellsbær tók þátt í þróun þessa verkefnis með Miðstöð menntunar og skólaþjónustu ásamt nokkrum öðrum sveitarfélögum. Að sögn Aldísar Stefánsdóttur, formanns fræðslunefndar Mosfellsbæjar, þá fagnar nefndin áhuga og metnaði skólastjórnenda í Mosfellsbæ sem hafa lýst yfir áformum um að prófin verði lögð fyrir alla árganga grunnskóla bæjarins og voru þessi áform rædd á fundi fræðslunefndar í vikunni.